At dei minste i familien trivst når dei er på ferie, er viktig. I Jotunheimen ynskjer vi at alle skal få høvet til å oppleva noko nytt og spennande. Vi ynskjer at alle skal koma heim med gode minner frå ferien; store som små. Her i Jotunheimen kan barna vere med på dei fleste aktivitetane tilpassa deira nivå.
Prøv klatreskogen i Brimiland
Foto: Øyvind wold
I Skjåk kan du vera med på famlierafting
Foto: Lom & Skjåk Adventure
Klatring
Klatring blir meir og meir populært. Her i Jotunheimen finst mange moglegheiter for klatring - også for barn. Lomseggen Klatretårn i Lom sentrum er ei ny og spennande oppleving. Her kan alle klatre - uansett alder. I BrimiSkogen klatrepark kan du vere Tarzan for ein dag - kven ynskjer vel ikkje det? La barna få prøve seg på nye utfordringar - det er moro!
Riding
Hestar er alltid populært hos barna! Her finst gode moglegheiter til å la dei få oppleva hestane på nært hald. Times-, heil og halvdagsturar på Jotunheimen Hestesenter
Bading
På gode vérdagar finst flotte moglegheiter for eit bading i Jotunheimen. Det er og mogleg å bade i elvar og fjellvatn. Badekulpen ved Smedsmo Camping i Vågå er og ein fin badeplass i sommarvéret. Er det ikkje så godt vér at ein vil vera ute, er badeanlegget på Fossberg Hotell eit godt alternativ.
Fiske
Det er viktig å la barna få oppleva naturen og delta aktivt utan at det er organiserte aktivitetar. Fisking kan vere kos, familiehygge eller matauk - det er dykk som bestemmer. Det er stor stas å få fisk - for både store og små! Her i Jotunheimen (Vågå, Lom og Skjåk) finst mange fjellvatn og elvar som er eit eldorado for fiskeinteresserte.
Kulturoppleving
I Norsk Fjellmuseum - Jotunheimen Nasjonalparksenter får barn og vaksne eit fyrste møte med fjellet og fjellkulturen gjennom lyd, bilete og film. Her får dei oppleva fjellhistoria, sjå dyra som lever i Jotunheimen og ikkje minst - sjå dei to flotte mammutane vi har museet! På Fossheim Steinsenter får dei lære om stein og steinartar. Dei får ta på, føle og kan plukke med seg stein frå gratistippen. Gudbrandsdalmusea fortel om kultur, tradisjon og gamle dagar i både Jutulheimen bygdetun i vågå og Lom bygdamuseum. Her er mange flotte arrangement for barn gjennom sommaren.
Rafting
Familierafting er ein triveleg aktivitet som gjev barn og vaksne eit fyrste møte med det ville og våte element. Familierafting er ein rolegare form av rafting som er tilpassa barna. Familierafting er ein trygg aktivitet samtidig som ein opplever elva frå gummibåten.
Alle aktivitetane finn du og lista opp her.
Vi ynskjer både barn og vaksne eit triveleg opphald i Jotunheimen!