Besseggen er, saman med Galdhøpiggen, dei to mest kjende turane i Jotunheimen Nasjonalpark.
Besseggen kan og vera fein fin tur i påske og utover våren.
Foto: Lemonsjøen Resort
Turen over Besseggen går frå Gjendesheim med båt inn til Memurubu turisthytte. Frå her går du nokså bratt oppover til det flatar seg meir ut. Du går forbi Bjørnbøltjønne, forbi Bessvatnet og oppover Bandet som er det kanskje mest kjende partiet over Besseggen. Frå her kan du, dersom ver og temperatur er rett, sjå det grønne Gjende langt nedanfor deg i motsetnad til det blå Bessvatnet. Vidare går turen over Veslefjellet og nedatt til Gjendesheim. Turen tek frå 7-9 timar, alt etter kor fort du vel å gå turen.
Du kan og gå turen frå Gjendesheim til Memurubu Turisthytte. Herer det flott å overnatte og gå fleire turar i Jotunheimen; til dømes Surtningssui som er 7. høgaste toppen i Jotunheimen. Du kan gå Besseggen også på vinterstid - då som ein guida tur - kontakt Upptur.