I mai 2010 blir den einaste istunnelen i sitt slag i Nord-Europa bygd i Juvfonna under Galdhøpiggen.
Reinen ferdast framleis i dette området.
Foto: Klimapark 2469
Arkelogoar har gjort svært mange interessante funn ved Juvfonna under Galdhøpiggen.
Foto: Klimapark 2469
Besøk istunnelen som viser deg korleis klimaet har endra seg gjennom historia og korleis dette har endra jorda og mennesket sitt levesett. I mai vil franske ekspertar for hand hugge ut ein nær 30 meter lang tunnel som så blir vidare forma av ein av landets mest kjende isskulptørar. Tunnelen vil vera ei uforgløymeleg reise i historie, arkeologi og glasiologi. Alt dette er omkransa av ei vakker utsikt og noko av Noregs mest særeigne natur.
Dei siste åra milde vintrar og varme somrar har gjort at breane i Jotunheimen har trekt seg attende. Det er difor gjort mange arkeologiske interessante funn ved Juvfonna som gjev eit godt inntrykk av jakt og fangst kulturen her for fleire tusen år sidan. Blant anna har området vore nytta til fangst av villrein. Tunnelen blir difor ein unik måte å oppleve dette og å lære om dei klimatiske endringane som går føre seg på jorda nå.